{"id":2232,"date":"2020-10-19T16:34:09","date_gmt":"2020-10-19T16:34:09","guid":{"rendered":"http:\/\/pruebas.assomozas.es\/?page_id=2232"},"modified":"2020-11-22T18:21:39","modified_gmt":"2020-11-22T18:21:39","slug":"capela-do-campo","status":"publish","type":"page","link":"https:\/\/pruebas.assomozas.es\/gl\/capela-do-campo\/","title":{"rendered":"Capela do Campo"},"content":{"rendered":"\n

\"\"<\/a><\/p>\n\n\n\n
\n

\"\"<\/a><\/p>\n

43.54052, -7.94108

<\/p>\n<\/td>\n

\n

\"\"<\/a><\/p>\n

Castelo

<\/p>\n<\/td>\n

\n

\"\"<\/a><\/p>\n

As Somozas (Santiago Ser\u00e9)

<\/p>\n<\/td>\n<\/tr>\n<\/tbody>\n<\/table>\n

Moi pr\u00f3xima \u00e1 capital das Somozas, tr\u00e1tase dun pequeno templo situado nun amplo prado visible desde a estrada comarcal. Est\u00e1 dedicado \u00e1 Nosa Se\u00f1ora da Pena de Francia, advocaci\u00f3n mariana cuxa historia est\u00e1 ligada aos cami\u00f1os de Santiago e a existencia de cabaleiros franceses, non afastada pois da relaci\u00f3n lendaria do concello. A s\u00faa celebraci\u00f3n \u00e9 o primeiro luns de Pascua, data sinalada para outros importantes centros romeus da comarca, na que existen alg\u00fans lugares que repiten esta devoci\u00f3n cuxo orixe se atopa no co\u00f1ecido santuario salmantino da serra do mesmo nome.<\/p>\n

O edificio \u00e9 simple, con planta rectangular de nave \u00fanica, ben teitado a d\u00faas augas con lousa do pa\u00eds. Ilum\u00ednase mediante d\u00faas xanelas setadas e apuntadas na parte alta da s\u00faa fachada e do lateral sur. Esta foi feita nunha curiosa variedade esbrancuxada de toelo<\/em>.<\/p>\n

A porta de entrada \u00e9 un dos seus elementos m\u00e1is rechamantes, presentando elementos en varias especies rochosas e un arco de medio punto que mostra moi amplas doelas pero de pouco grosor, en acordo cos perpia\u00f1os das s\u00faas xambas. Na peza crave mostra unha figura de cruceiro encalada. A espadana do campanario, de cemento, \u00e9 moderna, pero parece reproducir a feitura da antiga, inclu\u00edndo un \u00fanico oco con arco carpanel, dous pin\u00e1culos tronco-piramidais e, coroando, unha cruz latina. Obra a curiosidade de que, pendida da punta do arco da xanela da fachada hai unha campa\u00ed\u00f1a que acompa\u00f1a no seu tocar \u00e1 maior do campanario, harmonizando o son para suplir os defectos da principal.<\/p>\n

O interior, simple como o da maior\u00eda das ermidas, ofrece varias figuras, pequenas pero curiosas, algunhas sobre soporte procesional e outras colgadas na parede sobre pea\u00f1as de madeira a base de pequenos estantes. Das primeiras, unha representa a San Pedro sostendo a cruz patriarcal e as chaves do ceo; a outra d\u00e1 vida \u00e1 patroa e presenta unha orixinal vestimenta na que destaca un gorxal coa cruz de Malta, s\u00edmbolo tam\u00e9n asociado \u00e1 peregrinaci\u00f3n compostel\u00e1.\u00a0<\/p>\n